Anogo 2-3 tsüngda Centre-i OROP sangdongtsü

New Delhi, Sept 04 (Agencies): Ato kilonser Narendra Modi’er sorkari kobi melii One Rank One Pension (OROP) sangdongtsü, ibaji July 2014 nungi tenzüka asütsü aser ongko inyaktsü atema tamentakba kümji 2013 amshitsü.

Osang ka angazükba agi, OROP nung sorkar tangatetbaji, service nungi anisüngzükba küm kecha tebendang makai kasa rank nung alir ex-servicemen aser service mapang kasa inyakbapurtem kasa pension angutsüla.

“Tangatetbaji, pension tutsübaji tamalen anisüngzüker alirtem den kasa asütsüla, ibaji pensioner tasenpur aser tejenpur na yongrü ka nung ayutsü atema lir. Iba ya küm pongu shia asadangba ajanga inyaktsü,” ta ketdangser kati ashi.

Iba tajangzük ya sorkari taruba anogo ana-asem tsüngda sangdongtsü imlar.

OROP tajangzük ya rara nung shilem agia alir kinüngtsü amitsürtem-a angutsü, ajisüaka voluntary pension agirtembo iba tajangzük mangutsü.

Sorkari küm ana nung telemsa pezü kümer July 2014 nungi arrears agütsütsü bilemdagi. Ajisüka amitsürtem nembo khen nungdang ajak agütsütsü.

Osang ajanga ashiba agi, tang benokba OROP inyakyim ajanga küm shia sorkar senpong nungi sen crore 8,000-10,000 shi aotsü. Taküm küm Defence pension atema sorkari sen crore 54,500 lemzükja lir.

Ex-servicemen temi OROP ya April 2014 nungi tenzüktsüla ta akhanger, ajisüaka sorkari July ita shimogo, kechiyong May 26, 2014 nungang Modi’er sorkari office benok, ta ketdangser kati ashi.