Anogo 3 nü phonetic training temogo

Additional Secretary Kevishe aser Shainaz Jussa nati training agirtem aser sorkar ketdangsertem den külemi agiba noksa angur.

Kohima, July 6 (TYO) : School Education Department-i Jolly Phonics, United Kingdom den külemi ayongzükba anogo asemnü sorkar school tesayurtem phonetics training tembangogo.
Zonal Council Hall, Kohima nung anogo asemnü training nung Kohima aser Dimapur nungi government primary school tesayur 50 den tema aden.
Sentong nung shisalen sayurji Principal & managing director Phonickids, Mumbai (Jolly Phonics UK) Shainaz Jussa liasü.
Iba training tembangba sentong nung tongti tesemdanger Additional Secretary Kevishe-i o jembidang Nagaland nung education system tajungba kümdaktsütsü indang onük jembi.
“Nagaland nung School Education Department-i education system yanglushitsü atema mapa inyaka arur aser education system tajungba kümdaktsütsüji tang ya mapang tajung lir” ta Kevishe-i ashi.
Nagaland sorkari education sector tajungba akümtsü atema sen endoktsü mulunga lir aser Jolly Phonics, UK-ia sorkar school tem nem textbooks aser reading materials angati agütsütsü, ta paisa shisem.
Shisalen sayur Shainaz-ia o jembidang ashiba agi, mapang shitak nung training agiogo aser tesayurtemi kaketshirtem dang parnok tila asüdang nungi tangatetba shitak sayutsü teimla lir.
Nagaland nung education system tajungba akümtsü ta ajiteter kechiyong sorkari teyari agüja nungiter, ta Shainaz-isa shisem.
Iba sentong nung mendenji Vilvino liasü aser trainees/teachers tenüng nung Moayangla (Dimapur) aser Abodi Neikha (Kohima) nati o jembi.