Anogo 5 nü bank shibangtsü

New Delhi, October 19 (Agencies): Tan hopta sodi anogotem aika külemi amshiba ajanga Banking sector sodi anogo aika angutsü, anungji ATM nung sen mazüngtetdang yongi sen agizüktsü purtemi tekaraba nung sen agizüktsü junger.
Anogo pongunü atonga bank shibangtsü, kechiyong October 21 nü Durga Puja sodi, October 22 nü Dusshera sodi, October 23 nü Moharram sodi, October 24 nü Honibar pezübuba (ita shia 2 buba aser 4 buba Honibar sorkar sodi) aser October 25 nüji Deobar anogo lir.
Anogo aika khen nung atonga sodi aliba ajanga banking service aika nung timtem adoktsü, aser ibaji ajanga ATM aika nunga sen atemtsü akok.