Anogo 5 tsüngda Baahubali ajanga sen crore 215 aazükogo

 Chennai, July 15 (Agencies) : SS Rajamouli-i direct asüba film Baahubali sayar anogo pungu tsüngda nung sen crore 200 tema aazükogo.

Tan July 10 nü iba south India film ya oshi pezü nung saya aser anogo pungu tsüngda sen aika aazük.

“India nunger film kati sen crore 200 tema aazükba iba ya lir. Mongulbar tashi nung sen crore 215 tema aazükogo” ta trade analyst Trinath-i ashi.

Shilem ana lemsar yangluba film ya sen crore 250 endoka yanglu aser Prabhas, Rana Daggubati, Anushka Shetty o Tamannaah Bhatia nungertemi tongti shilem agir.

Akhi chuba yimli ka atema adianu ana raraba otsü nung ajemdaker iba film ya yanglu.

Baahubali- The Beginning ya Telugu, Tamil, Malayalam aser Hindi oshitem nung külemi saya.

Bendang linüktem nung India nunger film rongnung iba ya tajungtiba sayaogo. Taoba mapang Bollywood film tulu Happy New Year aser PK nunger den tajungba jenjang nguogo.