Anogo Aben Tsüngrem Den

PA TEMEIM, PA SEMPET, PAR CHIR

“Kechiyong Tsüngremi alima oda meim nung Pai pei ajaso chir agütsü, anungji shirisa Pa dak amangdir mesamatsü saka teti taküm akatsü.” Yohan 3:16

Tzüyim nung senzürtem asoshi anüng nung petinutem rongnung tongtipangbaji Pole Star ta ashir. Iba tekong ya pole starji lir kechiaser ibai tanga Lai tekongtem dang nungi tali aika tekümtet dangi anir. Ibai tenangzükba rongnung tulutiba lir.

Iba tekong nung O kari kanga pranga ayar. Idaki asenok Tsüngremer temeim kar koba “kanga meimba” dena lir, koba asadangtsü makokba temeim lir. Ano idaki angati Tsüngremer sempet tulu dena lir. Ibai ano asenok asoshi kotak nungi Tsüngrem chir yokba aser asenok asoshi asüba koba jenjang asadangtsü makok aji dena lir. Item onük asem ya tesangwa agi sünga lir.

Idaki tongmelang agi amangba taginüba dena lir koba taochi agi temenen pur asoshi tapet lemang, tekümtet tuyur. Ibai kanga sadema rasaa shia lir, “shibaisa Pa dak amangdir.” Idaki aika asoshi takdang peria angur shibai aji shibangtsü. Idangji tenangzükba tulu arur, Yisu dak shirnoki amangdir mesamatsü saka teti taküm angutsü. Shirnoki parnok sasaa samaogo, aser Pai Pa sasa kümzüktsü makok ta bilemer parnok asoshi iba tepela jangratemtsü O lir. Asenoki Kibuba Yisu dak amanger, aser asenoki teti tatem maka taküm angur.

Oba Tsüngrem, ni temenen nung samar, kümzüktsü lemang menguteti alidang, Nai oda meima Kibuba Yisu yoka ni kümzük nung Ne tenüng asanger. Amen.