Anogo pezü nung Padmaavat film-i sen million $4.9 aazük

Tsüklai 1, 2018 (Agencies): North America nung ‘Padmaavat’ film sayar anogo asem buba nung sen million 4.4 aser anogo pezübub tashi nung sen million 4.9 dollar aazüka otsü tasen ka yanglüogo.
US aser Canada nung theatres 326 nung iba film ya 2D, 3D aser IMAX 3D format nung tesayudak lir.
“Ajaki kanga dang yongyaseta ataa aliba Sanjay Leela Bhansali indang movie ajanga anogo asem tsüngda North America nung sen 4.4 million dollar tema aser anogo pezübuba nung sen 4.9 mn dollar dak tema aazüka lir,” ta Box Office Guru ajanga metetdaktsü.
Taoba mapang 2014 küm Aamir Khan-i tongti shilem agia yangluba PK film ajanga anogo asem tashi nung sen million 3.6 dollar aazüka otsü yanglua liasü aser iba sülen 2016 küm blockbuster Dangal-i sen anogo pongu tsüngda nung million USD 4.1 aazüka aliba dena Padmaavat film-i ajatetogo.
Padmaavat film nung Deepika Padukone, Ranveer Singh aser Shahid Kapoor-i tongti shilem agia lir. Maneni iba film ajanga Aenjeti 27 nü sen million 1.85 aazüka bollywood movie kati anogo ka nung sen timtiba aazükba movie kümogo.