Anogo shia taküm -Mathi 4:18-22; Nütsüng ka shisaliok

Ni kechi koda Khrista chilu ajir, yamaji nenoki kü chilu ajiang. 1 Kor. 11:1
Yisu mapang nung tangazüker jagi mapa agi sashisashia sayua angazükdaktsü. Tesayur tulu kübok angazükba tetezü nütsüngtemji parnok tesayur den ali. Tangazükertemi masterba philosophyji dang angazük masü saka parnoki parnok master anogo shia takümji ajia ali. Nütsüngtemi parnok tesayurtem ama alitsü bushi.
Yisu nütsüngtemi anogo shia ajak nung Pa sülen anidak. Parnoki Pa O tem angashi. Parnoki Pa den ango apui ao aser Pa den külemi jaja. Pai shirangertem anebtsüba parnoki angu, nükpoker tenük lapoktsüba, ayabatem mesüba parnoki angu. Item nütsüngtemi Yisu tesayuba dang metet masü, parnoki Yisuji tesayur ka ta metetta liasü. Pai metetba parnoki metettsü merang. Pai inyakba chilu parnoki ai.
Yisui asenok nütsüngsüba dangi ajar. Asenoki Temeshi Laishiba nungi Pa ajaba ola tulu angashir aser Pai anileni anidaker. Asenoki Pa den mapang agira, Pai asenok langbang nung amener. Pa asenok den jajar. Asenoki Pa atenba memetetra, Pai asenok meketa sayatenya inyaker.
Yisu sülen anidakba tetezü, Pa tesayuba metetba kisüngji masü. Tsüngrem taochi ajanga, ibai tesayurji metetba lir. Ibai shibai kilir ka asütsü nung temenen pur ajak tekümtet asoshi kangki nung asü Pa metetba lir. Pa teyari ajanga asenoki Pa ken metetra asenoki Pa akümtsü merangtsü.
Asenok ajaki Yisu den jajatsü merangdi; Pa tatishitsü nung merükteta anidakdir.