Anogoshia Taküm – Ibri 4:9-16

Anepdang : Anepdang ne metsüji prokang, aser nikongdang neka sota teyu. Sayutsüngir 11:6
Asenok asoshi anepdang shia anogo tasen ka tenzüker. Anogo ka tenzükba jagi tayongzükba maongka tasen asenok nem bener arutsür.
Anepdang shiaji Khristan tamang tatishitsü süra, Khristan yimsü dangji “mapang tajung” yimsü ta ajatsü akok. Atangji aji shitak lir. Asenoki kechi bilema liasü, kechi koma taküm liasü – kecha mesükdangi Tsüngremi asenok nem Pa taochi agütsür. Yashi na temenen tetsüti ka liasü, tanep anepdang tasen nung nai Tsüngrem dangi tatok meshia arura Pai yashi mapa, taküm tu mesükdangi ne nem tatok agütsür. Anungji anepdang tasen shia jagi asenok melenshitsü asoshi mapang tajung ka bener arutsür. Pai longpakji aidoker aser tasen tenzüker. Tatok agütsütsü telemetet maka, melenshitsü Pai odang ata alir. Teti Tsüngremi, “Tanaben merangang, Kü taochi Khrista nung na meketa lir. Nai tamakok manguba yong Ni na meimer masü, na tamakok nung Ni na meimer” ta ashitsü renema lir.
“Aibilentsübaji meimchir yimya” ta asen ajaki metetta lir. Asenok kodanga tabensa masütsü. “Tatok agütsütsübaji Tsüngrem” ta ashibaji shitak. Pa Tsüngrem asü nung Pa iba nung sensaka mali. Aibelen ajanga asenok taküm lia aor, teti asenok nem melenshitsü mapang tajung agütsür.
Khrista nung ano kü nem mapang tajung ka agütsüba asoshi Ne tenüng asanger, Kibuba. Amen.