ANSF-i NSCN-IM aser NSCN-U tsüngda khatepba aitsür

Itanagar, Aaami (June) 1 (TYO): Arunachal Pradesh kübok Namsang aser Sipini tsüngda tanep NSCN (IM) aser NSCN (U) tsüngda khatepba magizüker ta Arunachal Naga Students’ Federation (ANSF)-i metetdaktsü.
“Iba mapang NSCN (U)-i sen atema pur aiba civilian Ali (dokan kibur) khaset aser Naga civilian ka kanga mejungi yiru” ta ANSF-i sangdong ka nung metetdaktsü.
“New Delhi nung Indo-Naga yimjung olemtep kanga junga agia aoba mapang ka nung, kechiba Naga nunger tsüngda azü tokshiteper?” ta parnokisa asüngdang.
Naga yimten teloktemi Naga Land for Christ tangatetba nung inyaksangshia aotsü mepishir, ta ANSF-isa metetdaktsü.
“ANSF-i onok litsü nung iba ama mapa inyakba magizüker aser tasür/yirur nem Naga yimten telok anaprongi teyari agütsütsü akhanger” ta parnokisa shisem.
“ANSF-i Tirap, Changlang aser Longding district tem nung alirtem atema noktaker aser idaki alirtemi meputep masü saka yimjung ang aginür” ta parnokisa metetdaktsü.
ANSF-isa tasür kibongtem den asükhu lemsatepba shisem.