ANSTA sub-unit Mkg, CTN aser MBA nungeri metetdaktsür

Dimapur, June 1 (TYO) : Nagaland Government Primary Teachers Association (NGPTA)-i May 30, 2016 nü ANSTA aser NSSFOF-i ayongzükba lungkak aitba sentong tanabuba shilem nung madentsü atema sangdong ka nung metetdaktsüogo. Ajisüaka, Primary tesayurtem timba aliba ANSTA kübok sub-unit asemi NGPTA tentetba aser telemtetba agibaji memetet, ta ANSTA sub-unit Mkg, CTN aser MBA nungertemi külem sangdong ka nung metetdaktsü.
Mokokchung district kübok sub-unit 3 nung züngsemtem dang ANGPTA züngsemtem dak alaka, tanüngba züngsem ajak ANSTA, Mkg unit nung züngsema lir, anungji ANSTA-i tetuyuba agütsüba sülen anidaktsü metetdaktsür, ta Mkg sub-unit Gen. Secy. Imtitozung, CTN sub-unit President, Limawati aser MBA sub-unit President Senlilikaba nungeri külem sangdong nung shia lir.