September 15, 2015: Brit Awards ketdangsütsü atema entertainment sentongtem acha ayanger ana- Ant Mcpartlin aser Declan Donnelly na küm anabuba atonga shimogo.
British musical awards ceremony ya February 24, 2016 nü London, O2 Arena nung akatsü aser TV nung live sayutsü.
Presenter ana, Ant Mcpartlin aser Declan Donnelly na dang ‘Ant & Dec’ ta ajar, aser tenati taoba mapang iba sentong ketdangser James Corden nungi agizüka taküm show (15) ketdangsüa liasü.
Tenati sangdong ka ajanga, “Brit Awards 2016 tanaben ketdangsütsü atema jaokba atema pelar. Künati küm ka dang ketdangsütsü bilema liasü, ajisüaka ano tanaben ketdangsütsü maongka anguba atema pelar,” ta ashi.
“Iba aonungji jangratemtsüka asütsü aser künati yongya atar,” ta kasa sandong ajanga ashi.
Tenati 2001 küm nunga Brit Awards ketdangsüa lir aser tan agi asembenbuba iba sentong ketdangsütsü.
Ant aser Dec nati 2016 Brit Awards ketdang asütsü added by asungba on
View all posts by asungba →
You must be logged in to post a comment Login