Anülulentip aser anüdoklentip

–  Tsüknung Penzü, Dimapur.

Dimapur nungi Aor adianu tajung Dr.Y.Imti Tzüdir-i May 2-5, 2016 nung züluba, Ao baibel nung tai alibatem melenshitsüba teyuba ocet kanga junga züngogo. Pa dang kanga pelaba metetdaktsür.
English nung ‘north’ & “south” ta asüba ojang ana ya Ao o nung translation shitakbaji koba aji jungjunga research agir melenshitsüla ta tejangja aginüba, pai iba ocet tatemlen shia angur. Shinga aija masü, pai awashi meteta o tajung agi züluogo. Atangji tanüasüng Aor aikati, north-anüdoklentip, aser south-anüolentip ta meyipa amshiba angur. Ibai tai lir.
Ya-ang shitak:-
North = Anülulentip
South = Anüdoklentip
Kodanga mamatsüsa (lest we forget) temulung nung ayutsü asoshi tachichilen, graphic noksa agi alima kinük pezü sayuogo.
Temalen Dr.Y.Imti Tzüdir nunger school azüngdang tesayur-i North=anüdoklentip ta sayu, aser ano Ao Osep kar nung: North=anüdoklentip ta keta aliba pai shiogo. Ao Osep nung tai aliba jagi tesayur jagia tai sayu ta angateter. Küm 1960s ta nungi tanü tashi nung jurila nisung (individuals) 3 shi-i Ao Osep balala 3 adoka lir. ajakji kata Government Judicial Department-i recognized asüba mali. Anungji yasür revise asüdang: North=anü ta aliba Ao Osep temji ni graphic nung sayuba amaji melenshitsü mepishir.
Ano Ao Baibel aser Ao School text book balala nung kongsa taibaji amshia lir, itemji yasür taruba nung revise asüdang kü graphic noksa nung sayubaji agi melenshitsü mepishir. Ibai-ang authentic translation-ji lir.
Septsülen aser Tentsülen
Alima anülulentip (North) len anü sangwa junga mepulokba agi teti ali dayi alir. Lenden limabo dayi-takongji kangabo bendanga memeteter. Saka tenem lima nung tenem agi anü sangwa tongdangba agi septsülenji dayi dang alir. South-len, tentsülen, sunny side tsütsülen teti tesangwa aser ali takong alir. Kechiyong ilenji anü peria puloker.
Ajisüaka, Baibel nung dang masü kaket ajak nung translate asüdang septsü, tentsü ojangji mamshi, north & south-ji cardinal point noksa nung tuyuba amaji amshitsüla.