Anüng nungi amakba ajanga Syria nung nisung 50 süogo

Syria sorkari Damascus len anüng nungi amakba sülen Syria nungertemi teraksaba tesem reprangtepba noksa nung angur.

Damascus, August 23 (Agencies): Syria anolulen aliba Latakia yimti tezülen anüng nungi amakba mapang tajemba agi nisung 50 süogo, ta media ajanga metetdaktsü.
Latakia nung ozüng anemertem anema iba anüng nungi amakba mapa ya inyaka liasü aser tang tashi nung iba ama amakba ya tan mezüng asütsü, ta SANA-i ashiba Xinhua osang ajanga ashi.
Syrian Observatory for Human Rights ajanga ashiba agi, iba rara lendong ya Latakia yimti tezülen Nabi Yunes tenem kolak anasa aliba Katef Ghanameh, Markishliyeh aser Jub Ahmar jilatem nung ataloka liasü.
Latakia anüolentip aliba Idlib province nung ozüng anemertem adokba sülen yimti tezülen iba ama lendong aika ataloka arur.
2011 küm sorkar ozüng anemba telok kar adokba sülen nungi tenzüka Syria nung lendong atalokba manendanger. Iba den külemi nüburtemia Tir Bashar al-Assad-i aniba sorkar anemtsü tenzükogo.
Iba ama sorkar anemba maparen aika tenzükba ajanga sorkari kanga sashia apuso aser ibaji ajanga nüburtemi prangpong bena arutsüsa aküm. Iba rara nung tang tashi nung nisung 190,000 tashi taküm laluogo aser küm pezü tsüngda nung million aika prokshiogo.