Anünglak nung mezüng apongba naro, ‘Zinnia’ sayaogo

ZinniaWashington, January 18 (Agencies): Anünglak nung tan mezüngsüa apongba naro, ‘Zinnia’ alima dang sayaogo.
Anünglak nung senzür US tsür, Scott Kelly-i tan otsütsüsa anünglak nung apongba temeremso sentsü aketba Zinnia naro noksa ya Twitter ajanga alima den lemsatep.
US sorkari ketdang asüba National Aeronautics and Space Administration (NASA) tenteti anünglak tentetba International Space Station (ISS) nung alir anünglak nung senzürtemi taoba mapang ‘lettuce’ aser ‘arugula’ na densema süngoliotem takok ngua tsünüa liasü, saka tan anünglak naro tashi kanga junga apongba ajanga tarutsü mapang nungbo nisungi chitetba chiyongtsü balala anünglak tsünütsüpongtettsü kuli bushitetogor.
ISS nung alir anünglak nung senzürtemi süngolio microgravity nung tendanga tsünütsüpongba maparen den sentaktepa, tan Zinnia naroji tsünüdangba osang jangjaogo.

You must be logged in to post a comment Login