Anünglen nungi amakdang Damascus nung tajemba agi 80 süogo

Beirut, August 16 (Agencies): Deobar nü Syria sorkari anüngleni nungi Damascus northeast tsütsü shishilembaba tesem ka amakdang tajemba agi nisung 80 süogo, ta Syrian Observatory for Human Rights osang ajanga ashi.
Damascus nungi kilometer 15 shi pilar aliba Douma nungji tajemba agi niosung 200 yiruogo, ta parnokisa ashi.
Syrian mitkar osang ajanga ashiba agi, Air force-i anunglen nungi Douma aser anasa aliba Harasta nung Islam army telungpur headquarters makogo.
Observatory-isa, iba amakba maparen nung rocket tajemba agi ter amshiogo ta ashiba den külemi kümzükba maparen inyakertem iba tesem nungji lia parnoki bomb amshia amak, ta aitsü.
Honibar nü Islam Army temi Harasta nung sorkar maka liasü.