Anupam-i Jenkins den kümlemi shilem agitsü

November 21, 2015: Film school ka lapoka alisang aser Bollywood film actor tejen Anupam Kher-i “The Head Hunters Calling” film nung tanur actor, Maxwell Jenkins den külemi shilem agitsü tera saka bilem, ta ashi.

Maxwell Jenkins ya TV sentong  “Sense8” nung shilem agiba ajanga kanga nüngtugu aküm.

Anupam-i Maxwell Jenkins tena tangokba noksa ka social media ajanga lemsatepa liasü aser Jenkins ya actor tajung ka lir, ta ashi.

“@MaxwellJenkins8 den külemi shilem agitsü tera saka bilem. Pa ya takoktet actor ka lir. #TheHeadHuntersCalling #Toronto,” ta Anupam-i Honibarnü twitter ajanga lemsatepa liasü.

Jenkins-i, “Anupam ya alima nung alir rongnung nisung tajungtiba lir aser ni arishi küm 60 tain sang den külemi shilem agiba ajanga nema tangteter,” ta ashi.

“Alima rangben nung aliba nisung rongnung tajungtiba, pa den külemi shilem agiba ajanga kü sasa nema tangteter, @anupampkher #onlocation #setlife #luckyme #greatman #thisis10 #toronto,” ta Jenkins-i twitter ajanga lemsatep.

Anupam ya tang Toronto nung “The Head Hunters Calling” film tetangokdak lir. Iba film nung Hollywood actor Gerard Butler-a shilem agidar.

“The Head Hunters Calling” film nung Anupam mozü meteter ka ama shilem agir.