Anupam Kher anema okadak ken o benok

Patna, Aenjeti/January 3 (Agencies): Actor Anupam Kher aser taruba film; The Accidental Prime Minister nung sendaka aliba nisungtem anema Bihar okadak ken o ka benokogo. Film ajanga tongtibang lenir kar tenüng menüktsüba dak ajemdaker iba ken o benokogo.
Obendanger Sudhir Kumar Ojha-i iba ken o ya Muzaffarpur indang Chief Judicial Magistrate (CJM) court nung benokogo. Okadak ajanga iba ken o agizükogo aser Aenjeti/Jan 8 nü Sub Divisional Judicial Magistrate court nung ken o angadangtsü latettsüogo.
Kher shibai iba film nung taoba Ato Kilonser Manmohan Singh shilem agir pa dak alia tashishiba nung densema alir tongtibang nisungtem rongnung actor Akshaye Khanna densema lir shibai film nung nüngtugu osangbener aser ex-PM media adviser Sanjaya Baru shilem agir. Iba film ya Sanjaya Baru indang kaket nung ajemdaker yangluba film ka lir.
Actor shirnoki UPA mendenbula Sonia Gandhi, Congress tir Rahul Gandhi aser Priyanka Vadra nunger shilem agir parnok den movie producer aser director iba tashishiba nung densema lir.
Ojha-i ashiba agi, iba film promo reprangba sülen pa temulung kanga yirua liasü, koba Aenjeti/Jan 11 nü TV channel balala aser YouTube nung sayatsü asoshi renema lir.
Paisa, iba film ajanga linük aser nung yimden yimsüsür rongnung RJD tekolakba Lalu Prasad aser BSP chief Mayawati aser taoba Ato Kilonser Atal Bihari Vajpayee aser pa deputy Lal Krishna Advani nunger jenjang tamajung ka nung toktsür, ta ashi.
Iba ken o ya IPC sections 295, 153, 153A , 293, 504 aser 120B kübok benokogo.