Anupam Kher tasoba anogo Robert De Niro den New York nung amung

Metsüremi/March 8, 2019 (Agencies): Actor tejen Anupam Kher shiba Brehostibarnü arishi küm 64 jungogo, pai pa tasoba anogo Hollywood nung nüngtugu actor Robert De Niro den munga liasü.
Kher tang New York nung New Amsterdam show tetangokdak lir aser American hedge fund manager Barry Rosenstein-i pa tasoba anogo nüngtem nung chichiyongba party ka ayongzükja liasü.
Kher aser Rosenstein na ya De Niro-i metettepdakja liasü.
Kher taküm agi kümnabuba De Niro den pa tasoba anogo mungogo. Iba chichiyongba party nung temabartem dena liasü aser parnok rongnung nüngtugu India nunger doctor aser cancer specialist Siddharth Mukherjee aser pa kinungtsü Sara na densema liasü.
“Kü tenüng nung Barry Rosenstein-i benjung ayongzüktsüba atema kanga pelar, koba kanga jangratemtsüka liasü,” ta Kher-i ashi.
Kher-i pa tasoba anogo benjungmung indang noksa aika Hokolbarnü Twitter ajanga lemsatepa liasü. “Iba benjung ayongzüktsüba atema #BarryRosenstein & #Lizanne na dang kanga pelar. Ni jangradema mungogo aser küm anabuba kü medemer #RobertDeNiro den ni asoba anogo mungtettsüsa mapangi bener arutsüba ya pungmang ama lir,” ta pai noksa den zülutsü.
Temetettsükaji taoba küm De Niro-i Kher asoba anogo benjung ayongzükja liasü.
Dushmani, Karma, Tezaab, Dil, Haseena Maan Jayegi aser A Wednesday amala film tem nung shilem balala agiba atema Kher ajaki jangjaa meteta lir aser pai küm 30 shi film balala nung shilem agiba ajanga nüburtem peladakja arudar.