Anushka-i ‘Sultan’ film atema melangteptsü angazüker

Mumbai, February 11: Salman Khan den aroki shilem agitsü aliba ‘Sultan’ film atema actress Anushka Sharma-i tang melangteptsü angazüktsü tenzüka lir.

‘NH 10’ nung shilem agila, arishi küm 27 tain Anushka-i Yash Raj Films (YRF) indang saisapong film nung melangteper ka ama shilem agitsü.

Anushka ya tang Delhi nungi anir aluba melangteper telok ka nungi melangteptsü angazükdar. Parnoki la nem hopta trok training agütsütsü.

La iba shilem atema temsüa akümtsüsa anogo shi ghonda 4 terenemshiba agiba osang jangjaogo.

Lai la training agiba noksa ishika twitter ajanga lemsatepogo. “Anibelem melira tajangzük maka, anungji angazüktsü meranger,” ta zülur lai noksatemji lemsatep.

Aditya Chopra-i produce asütsü renemba film nung Salman-a melangteper ka ama shilem agitsü.