Anushka Sharma aser Virat Kohli na ano medemtsü akok

March 06, 2016 : Virat Kohli-i aniasüngba Anushka Sharma-i magizükba sülen film actress aser cricket asayasang na tesentaktep mejungi aküm. Anushka-i la film maparen nung tali nendaka inyaktsü mechi nung Virat-i aniasüngba magizük aser iba den külem la ano Salman Khan den film ka nung shilem agitsü tait jembiogo.
Ajisüaka item tatalokba ajak ya taoba ita atalok. Iba sülen tena rongnung shingaia tena pilaba mesüra medemba osang tejangja memetetdaktsü.
Osang kar ajanga ashiba agi Virat-ibo Anushka ano tanaben meyiba aginer aser tena pilaba sülen pa temulung kanga raksa. Pai Anushka’er adianu dena tena tesentaktep tanaben yangluba nung yaritsü asoshi shiogo.
Angashiba agi Anushka-ia Virat-i amaji tanaben taitok agütsütepner.
Osang kar ajanga ashiba agi, tan Asia Cup asayamung nung India-i asaya ka akokba mapang Virat-i runs junga yanglutetba atema lai pa nem phone ajanga tenüngsang agütsü.
Ano tena tesentaktep koma ang asütsü’ar memetet, ajisüaka tena ano tanaben lungjemtsü teimla tulu lir aser tena lungjemra tena sapurtem asoshi tepelatsü osang asütsü.