Anushka Sharma-i la sapurtem atema ‘Rolling In the Deep’ ken tentsü

August 23, 2015: Actress Anushka Sharma-i la sapurtem atema Oscar Award angur kentener Adele-i atenba ken “Rolling In the Deep” tentsüogo.
“Bombay Velvet” actress-i Twitter ajanga second 30 video ji lemsatepogo. Iba video clip nungji la phone nung ken atenba den külemi la menden ka nung lai iba ken atener.
Nüngtugu scientist asür, Thomas Edison-i shin o jembiba tetshia arishi küm 27 Anushka-i, “Akümli mapang tamakok aika angubaji, takok angutsü mapang ana nung lir ta memeteti anenatokba nisungtem ajanga lir, anungji ni kodanga kententsü merangba ya manentsü,” ta ashi.
“Au! Iba yongji ni ken atentsü merangba ya manentsü. Iba ya temaitsü ka lir. Iba atema ya aser light bulb atema nü, Mr Thimas dang pelar,” ta lai twitter ajangasa lemsatep.