ANV&SV 2 buba asayamung tenzükogo

Kohima, Jul 17 (TYO): All Nagaland Veteran & Sub-Veteran (ANV&SV) 2 buba badminton asayamung “Health and Fitness is the new fashion” omen nung ajemdaker Indoor Badminton Stadium Kohima nung Evening Club Kohima-i ayonga tenzükogo.
Iba asayamung sentong lapokja Kohima Deputy Commissioner, Rovilato Mor-i jembidang, “Anogoshia exercise agiba ajanga asenok temang touzük shitak alir aser shi ango achirtem atemabo iba jagi asen temang nung temo ajemdaktsür,” ta tesenteper ayongzük.
Aochuba mendenbuba ser kasa sentong nung temoatsü meshia Akumtila Kikon-i sarasadem aser asayamung Convenor, Bendangyanger-i okila jembia liasü.
Iba asayamung ya nisung ana külem sür asayaba (doubles event) dang asütsü aser temattiba jenjang nung takoker nem senpet 20,000/- aser tanabuba jenjang nung takoker nem senpet 10,000/- agütsütsü.
Iba asayamung nung team 40-i shilem agitsü aser ibai asaya ya asüng Honibar nü atemtsü.