Ao Baptist Arogo Padumpukhuri Silver Jubilee Yearlong Celebration tembanga mongogo

Dimapur, December 18 (TYO): Ao Baptist Arogo Padumpukhuri Silver Jubilee Yearlong Celebration sentong takok ngua agiogo.
January 1, 2017 anepdang nungi tenzüka küm tepiyong “Tsüngremi Saklokba Mapa Sangdongdi” omen nung ajemdaker sentong balala agia arur tatembangsa December 16 & 17, 2017 anogotm tenüngsang agütsüba sentong tajung agi.
Tsüngrem O jembirtemji Pastor Wabong Tiayanger Longkümer aser Executive Secretary ABAM Rev. Dr. Mar Atsongchanger na liasü.
1992 nung kibong 15 shi dang tenzükba küm 25 tashi nung kibong 550 shi agi Jubilee amonger aser kanga dang karaa ainba arogo ka lir ta Pastor Tiayanger-i kuli agütsü.
Jubilee-ji nüchi sangdongba mapang, yanglushiba mapang, tatok agütsüba mapang, Khrista den mera tasen aotsü lemtetba mapang, aser Jubilee sülen alangzükba neburtem arogopur ajaki tanela anir aruba mapa meranga inyaktsü indang Tsüngrem o tulu lemsatep.
Sentong nung tayongzükba o jembirtemji Dr. Merennungba Kichu President ASTP aser Mr. Temsü Jamir Pastor Aoyimti B/A na liasü aser arogo tenüng nung Mr. A Chiten Jamir deacon-i tesentepertem pelaa agizük.
Jubilee monger ajak agi nisung 1300 dak tema arua aden, aser temeket Arogo 28 nungi nisung 115 arua aden.
Silver Jubilee amongba tenüng nung tanela ken Ao kensep DVD, ken aser noksa tajung ka sayaogo. Talinürtem asoshi OM Books Store aser Arogo office nung angtsü.