Ao Baptist Church Diphupar (ABCD) nung otsü tasen ka yangluogo

Dimapur, March 9 (TYO) : Tanü March 9, 2016 anogo ABCD nung Differently-able person ana, Adianu Aomeren Pongen aser Adianutsür Temsütola Kichu kibong kümogo.
Mr. Meren ya Chuchuyimlang nunger aser Mrs. Atola ya Chungtia tsür lir. Tenaprongla ya tenarong agi mangashir aser tebang agi mejembiteter (deaf & dumb), saka tsüraburtemi kanga dang nendaka Tsüngrem tsübuba nung aniteta, tenaprongla Deaf & Dumb school nung zünga tanübo Government mapa nung lir, ta Ao Baptist Church Diphupar sangdong ka nung metetdaktsü.
“Arogoi iba ya Tsüngremer temoatsü tulutiba rongnung ka lir ta Tsüngrem tenüng sanga Mr. N. Lipok Jamir Pastor, ABCD ajanga temeshi kiyimba kulizüng tajung agütsüogo. Ibai ABCD nung mezüngbuba otsü lir. Iba asoshi Tsüngrem tenüng asanger. Iba osang azünger ajaki Mr. & Mrs. Aomeren kibong asoshi sarasademjangma.” ta sangdong nungsa shia lir.