Ao kaket tasen ka sayaogo

Impur, Oct 7 (TYO): Ao Baptist Arogo Mungdang Literature Secretary T. Apok Jamiri züluba kaket ka tenüng agi “Teyarir; Mulungdangtsü & Tansütsü Otsütem Vol.2” tawato Ao Baptist Arogo Mungdang Youth Department (ABAMYD) Conference Impur nung akaba mapang ABAM Executive Secretary, Rev. Dr. Mar Atsongchanger ajanga sarasadema sayatsüogo.
Iba kaket nung mulungdangtsü aser tansütsü otsü (devotional stories) 264 lir aser ibai TDCC Publications ajanga menünga adok. Kaket jenjang senpak 150 dang aser iba kaketji Mokokchung nung ABAM Book Stall aser Impur nung talitsü angutsü. Kari danga iba kaket indang tejangja metetnüra iba mobile number (8729995580) nung tongteprateptsü akok.