Ao Kin asoshi teshisadangtsü

Nagaland osangkakettem nung 30th January 2020 anogo nung India Sepai ‘Assam Rifles personnel’ insurgency (Naga Kin nüchiso bushir) den raradang tasürtem nem India kin asoshi tematiba taküm tenla agütsür ‘martyr’ konang agüja nüngo ‘Memorial’ ka yanglutsür. Iba India Sepai tasürtem nungo ya asen Ao Kin yimtiba Mokokchung Town nung teti asoshi amenloka 3rd February anogo nung lapoktsü ta asüba osang angashia kanga sasa-a nemjema bilimer. Kechibasüra item kulitem ya alima otsü aser talisa asen Ao Naga Kin otsü nungi mesamatsü.

1. Naga kin nüchiso temeden bushia tenzükba ajanga 1954 küm nungi tenzüka aser küm 60 dak tali asen Aor aser Naga nunger yimtem mitsü küma rongdokja, kecha tai maliba nüburtem rishikangshia, tetsür-tanur raksatsüba, tenla-ki aser school-ki menentsüba mapa tamajung jenti lir. Iba dak alaka senti taküm jenti tepsetogo aser rongsen jenti samatsüogo, saka India sepaitemi aibelenogo ta mali.
2. Asen Ao kin talisa Mokokchung nung alirtemi shinga anema mapa tamajung meinyak saka Indian Sepaitem-i 27th December 1994 küm Mokokchung Town temulung rongdokja, ki 84 tashi rongtsü. Tai maketer nisung 14 tashi tepset aser tetsür jenti taküm raksatsü. Tanü tashi Mokokchung Town nüburtem mulung nung iba anogo ya kukua bilemteter.
3. Tanü India sorkari Naga nüchiso bushiba Ken-O ya political issue ta angateta aser tim ta agizüka iba Ken O tembanga mali.

Iba ama tensa ka nung asen Ao Yimtiba Mokokchung Town nung India nunger sepaitemi küm aika mapa tamajung inyaka aruba nembanga ‘Martyr Memorial’ yanglutsü sentongji asen Ao Naga kin mezüngmeshiba maparen ta züngshir.

Ao kin-i iba maparen asoshi kechi ashir?

Convener

                                                Temjen Paul (Ph. No. 9436006222)

                                                CCFM

                                                Senior Citizens Forum

                                               B. Namo (Member)

                                                Dr. Sangyu Yaden (Member)

                                                Lanukaba (Member)