Ao kin ya Rip Van Winkle na ?

– Takolong, Ex-Candidate.

Kanga dang bilemdanger maremtet nung asen Ao kin dangi ola ka ayimoktsür, anungji jjungra lokti-i ola atoktsüla. Tarutsü Naga lima danga jungra ta bilema tamalen asen Aor tetsü teboutemi timtem rishikangshi aika ajuruaka anüolen alirtem nungi Tsüngrem osang tajung angazüka Naga lima kinük ajak len osang tajung prokshia tekolak bushiba mapa anendaktsü, ano Naga lima dang junglibo ta sür Nagaland state angutsü merangdang tamasa asen Aor chanu Dr. Imkongliba azü tenla agüja State angu. Naga lima dang junglibo ta sür mezüng asen Aor chanu nung Mr Shilukabai taküm, nübu aser rongsen tenla agüja Nagaland nung Chief minister inyaka aruogo. Sürabangla tanü asen Ao kin ya Nagaland asoshi mezüngbur sür 1st priority-ji tamasa asen Ao kin nem agütsütsüla, sürabangla tanü Nagaland yimsüsüba menden shilem nung asen Ao kin koba jenjang nung amshia arur? India parliament nung Delhi capital nungi tama masü, saka tamasa UP state dak tamasa tenük yoka cabinet shimteter, kechiba süra parliament nung parnok nübo timba. Yamaji tanüa asen Nagaland Assembly nung asen Aor timba nübu aser menden 10 lir, Kohima menden 7, Mon menden 9, Zunheboto menden 7, parnok ajak nem cabinet 2 (two) agütsü, saka tanü asen Aor nembo menden timba aliba kin nungi cabinet 1 (one) lemzüktsüba ya angudang ni Aor senso tajung ka asü nung asen Aor tia bilema ola atoker. Tanü asen Aor kin ya Nagaland nung dangbo samanir süra, aser UP state ama nübu timba aliba district ka süra kechiba teküpbokba jenjang nung amshidaktsür? Anungji ya shitak ta bilema lira Ao Youth Association-temi ola atoktsü mapang tongogo. Chief Minister tasen shiba südir süang, Cabinet menden shimtsüji pa mesüra la mulung kar indoktsü ano kar tasen inoktsü. Saka cabinet menden ka dang angutsüsa tanü asen Aortemi Nagaland asoshi kechi tamajung inyaka ali (? Ochimashi tejak repranga yimsü asüdang talisa asen Ao kin küm 15 tashi mejangdaktsüogo, ano saksalema melira küm 20 tashi mejangtsüji menua mali. Anungji tatem nung asenok ajak mejangba nungi saktsü nükla nung ola tulu agi ayimoktsür. Tanü asen Ao kin ya Dutch-nungba Rip Van Winkle arem nung küm 20 mejangba ama mesüli ta kü oset yangi atemer.
KUKNALIM.