Ao lima rongsenkettsüng (Economy) tia

~ Akum Jamir, P.WD colony, Kohima.

Ni Mokokchung nung anogo ishika amongdang reprangtetba kar lemsateper.Ao Kaketshir Mungdang ajanga Ao lima rongsenkettsüng aser libaliro bendanger ket nungi wazüka ayutsü aser shishilembaba maparen nung Aor lanurtem jenjang ajungkettsü mechi AKM ajanga 2007 kum survival mokokchung sentong tenzüka tsümar temeten maliba nubortem mokokchung nungi aeinshidaktsü aser ajioda Aor Aotsürtemi shishilembaba maparen nung teka amouka mokokchung alir lanu ain aika kanga dang mazüngi shishilembaba maparen nung shilem agia rongsen lemang nung kanga tang ajungketta libaliroa ngua aruogo saka taoksatsüka tanü asüng mapang tatsüka Assam lima nungi Mokokchung chila temeket yimtsüngtem nung hopta ka nung asemnü hombar, bodhbar aser honibar Mokokchung shishilembaba ajunga parnok ket nung agiadoker kechiba süra parnoki oset truck load aika bener atur aser asen nubortemi sen lakh aika kenüyongi Assam limai bener yoker. Ajioda, hopta nung asemnübo parnoki market capture süadoker asünung asen nisung dokantem nung shishilembar kanga ajemadogo,ajioda talangka melii iba amai tang toktsüra asen dokan ajak shibangtsüsa akümtsü. Angazükba agi Mokokchung nung bank transaction kanga ajema kümogo ibajia alima telungi aluba tamaitsü ka ta asenoki züngshiti. Aolisanger repranga tang lia iba ama tia nung yutsütsü asü memenui maparen kar inyaktsü.Ni bilembo tsümar asen limai atua sen ajunga makzüker aluba ya yakta nokdangtsüla. Anungji AKM survival Mokokchung-to amajok mekümdaktsütsü asoshi AKM, Ao senden aser lokti tentet balala ajanga iba khuret ya ken süoki ia bilema tekaratiba nung maparen inyak nungang Aolima shishilembaba aser rongsen lenmang timi wazüka yudisü ta lemsateper.