Ao lima yimtsüng aika nung yipru agi kiojen kanga mejungi raksatsür alidang Sobangba o Alokba na shisa lemsatepa sensaksemer

Sobangba    : Kabo Alok, anaprong ki ajunga yasüng pensatsürji joko anata yimer den külemi teyari meshia züluba list nungji yokdaktsüdima.
Alokba    : Aeeesh, kecha mepuluzüklija nibo.
Sobangba    : Aya, kechiba ajai, tanü-asüng küla yimten ajanga Govt. nungi tapu tapu teyari meshia lemtsür nung koda!
Alokba    : Hejai, saka nibo kecha mepurali.
Sobangba    : Kabo, oda nguli menguli oda züludangdi arungma, na kechi yamai tezü atanger?
Alokba    : Ya oda tezü matangtsüla masüaja, küm ishika tejaklento khen tzümetsüng arua ozülu ajunga punger aoba atema yokba atasa atar relief arua lir ta asüji yimlaseta odangli chibo ka ata akoji, ano küm ka kilem ajunga apzüka oadoker tezüluba agütsür atajen atar ajaji odangli relief jang seret asem akoji tawaktsü atur manener aja.
Sobangba    : Oh Alokba!
Lili: SMS