Ao Naga Christian inyaksangshiba mapa

– Tekajang Jamir, Missionary (Seven), BPO Mangmetong village.

1. Lokti mapa / kaket shisatsü bushiba / sen timi amshitetba / temang shi tebur junga anepalutetba nung, tangar dang nungi tajungba aser mezüngbuba jenjang ngutetogo.
2. Tanüla jenjang aienba nung, tarokba, tangatetba, tejangjaba aser shitakba nung mali. Ao Christian jagi tanüla jenjangji, kodang nungi koma inyaktsü? Laishibai sayuba aser Yisu osang tajung anema inyaktetogo. Alima ajak ajangzüker, pei tanula jenjang samadokba noksa sayuteta lir.
3. Memeteti mesüra meshisadangi, aibelena inyaksaogo ta ashitsü asü? Tanüla jenjang atema inyaktsü ano anogo mapang agi matong ta ashitsü ?
4. Temeshi Nisung (Aienkeri) shina toktsüba lai o nung keta aliba, tatalokba den, tanü putu yimya, mapa medemdangra, Mt. 25:l-8; tasüngtet aiür 10 kiyir lenchi oa menua ataba mesüka kümogo. Kibubai ataba mapang süer külen, totsü tabeni aoba nungi meyipa arudang, kishi shibangadoker aliba bilemtetsü anogo mesüka kümogo. Iba o entepba Noksa ya, tatententsü aser kanga saksalemtsü nüngdakba mapa ka kümogo.
5. Yisui nisung nem bendaktsüba sempet tajungtiba aser tulutibaji, pa kangki nung asüba ajanga, Nisung nem tanüla temeshi sempet agütsütsü lenmang ngudaktsüba ya lir mesüra agütsütsü tenangzükba yutsüba ya lir.
6. Shirang, timtem tapu balala anepdakjaa tasür shia arudaktsüba mapatem ya : pa arem nung anogo 40 tsüngda tatitang koktetba tamaitsü, sayuba. “Alima nung tesünep”, Nisung rongnung tepela. Saka Tsüngrem ama tabensa akümtsü aser Yisui inyakba ama inyaktsü melaba yabo, pai kangki abenba atema Nisung nem agütsüba sempet lir.
7. Tanüla jenjang mebushiteti alirtem Tanüla sempet sensatsürtem; aser Tanüla jenjang raksadoker alirtem, kari yamai ashir: Oh! Tanüla na oang, tajung anogo nung Ni na jadi.
8. Kibubai ataba, aser ajaba anogo, mapangji temenen pur asoshi anogo tajung lir. Saka, Kibubai ataba aser ajaba anogo, mapang süir külen, temenen puri Kibuba dang ajatsu tasü aitbaji amajok aser tamashir lir.
9. Ano o entepba ka; Mt 22: 11,12; Kiyir sü mabeni, kiyir benjongi aita amenba makmanü, tejak atenba Christian tamaitsü. Missionary, Rev. Pastors, Arogo nung tenzükertem, Tsüngrem tenzükba wadang nung alirtem. Mk. 16:16, 1 7; dak aketba; oda : Amanga baptiba tamaitsü, tanüla sempet makartem, kangtena, yaretba tashitak agi atongtsü indang sayur. Joko tajung atema inyaktsü tanülai meyaritsü, meyipa oa, pei sünütsü süa alitsü Tsüngremi arishi magütsütsü saka peisasa pei mang nung mang ayangtsü anogo tamajung ajurutsü.
10. Ajaki kanga junga angajemer aliba Ao Naga Christian tetenzükba noksa : 1872 küm American Baptist tenüng nung Christian yimsu (Christianity) oda : Tsüngrem yimli (the kingdom of God)menlokogo.
11: Laishiba tesayuba bener marudang, küm 80 yimsü dang amanga, Ao lima ajak Christian kümogo ta timtem mapang ka nung, 1952 küm; Rev. Riküm tejari ajanga Laishiba nungi, teyanglushiba (Reformation), Temenen bushia, temulung meyiptsü, tanaben asotsüla ta sangoktsüdang, aikati sensaktsü, iba jagi L.E.F. adok.
12. Lai tesayuba sülen anitaker (Reformers) nungi temelenshiba (transformation) Amanga baptiba agi Christian akümba tamaitsü Mk. 16 : 16; 17; nung keta aliba noksa 1961 nung adokdang, L. E. F./ ABAM officially jagi yimsüsür rnesüzüker Christian tamaitsü akartem anema ain adoker, reshikangshia, merenshir 1967 ABAM nungi, tamajung inyaker ama züngshia endokogo. Iba nungi NCRC adok.
13. Ano 1961 küm Christian akumba jenjang nungi Khrista arogo (the fruit of Christianity) tabensaba 1975 küm adokdang, ABAM / LEF / NCRC par asem official jagi Khrista arogo anema amokmeren agi arishia tasütsü jenjang 6 ben tashi agütsü. Saka shibai kümzüktsü tim, pai kümzükogo.
14. American Baptist amenlokbaji, Khrista arogo adokdaktsütsü, nükjidong aser teimla nung amenlokba kuli tabensa adokogo. Alima nung Yisu Osang tajung proktsü. Khrista arqgo tenüng nung tembangtsu. Khrista arogo sülen, osang tajung, ajanga yanglushia melenshir, kumzükba otsü aser theory tesayuba kecha nung mali, iba tashi nung memelenshitsü tasu tait. Samatsü shiogo. Act 3:23;
15. European Lima B.C nungi 70 A.D tashi Abraham yimsü magizükertem, Mosa ozüng anema inyaksabatern, John Baptisüba dak metsütakertem, Yisu tepsetertem ajak Khrista arogo mapang nung yanglushia-melenshiba ajanga, Christian akumba jenjang jagi aruba kuli ngujemogo.
16. Tanü Aor dangi Khrista Arogo adokba ya, nisung mapa masü, saka Tsüngrem yimli nung tatembangba tsüngküm, “OMEGA”. Khrista Arogo tenung nung teimla jenjang yamai lir. Act 3:21-23;11 Pt. 3:9;A ct 17:30;A ct. 2:38;
17. Khrista arogo indang, Nisungi jembir, shibai jembir pai yangluba oset masu. Saka Tsüngremi par nem ketdang asütsü agutsüba, aluruba wadang, idakji ajak tembangtsü, tachitsü mesüra teindoktsü, yangi bendangadoktsü, Khrista arogo Antioch nung nütsüng ishika anünga yutsür, temeshi yimti ta ajaba Yirusalem dak sendakba ajak 70 AD nung nisung rongnungi meshimeshia samatsüogo. European lima nung temang shi agi inyakba tanü Laishiba yanglur, tamang agi anidaker. Kasa jenjang nung jungkai adokogo.