Ao O nung anüolentip aser anüdoklentipji kolen asütsü?

– Dr. Y. Imti Tzüdir, Dimapur.

Item ojang (word) ana tetezü lenir Tsüknung Penzü ajanga Tir Yimyim adok date May 14, 2016 Olemsapang nung tejangja adoktsüogo. Ni pa den tokteper masü saka ni adoktsüba tetezüji taia ta pai ashiba agi ni kong nungi angazüka zülu ibaji tejangja khuli kar shinür. Ni tamalen adoktsüba ama North aser South tetezü Ao o nung school azüngdang Tesayur nungi angazükba dang masü saka Ao Osep (Ao Dictionary) nunga kasa tetezüji shia aliba agi aji tera zülusemer. (1) Rev. Dr. E.W.Clark-i 1911 nung adokba “Ao Naga Dictionary” aser ibaji Revised Edition 2013 nung ABAM-i adokba nung kasa tetezüji agüja lir. Tapak 87 nung anüdoklentipji “north” aser anüolentipji “south” ta shia lir.

(2) Tanabuba nung Dr. Renthy Keitzar-i 1999 nung züluba “AO DICTIONARY” tapak 153 nung south-ji anüolentip ta shia lir aser kasa kaket tapak 4 nung anüdoklentipji “North” aser anüolentipi “South” ta shia lir. Iba Osep ya Ao Literature Committee-i approved asüba kaket ka lir. Anungji tan tashibo north-ji anüdoklentip aser south-ji anüolentip dang amshir. Saka pai züluba tetezüjiang shitaka ta khuli tejangja agütsütetra Ao Senden Literature Commissioni approve asünung dang amshitsü akoktsü ta nibo bilemer.

You must be logged in to post a comment Login