Ao olong aser tetezü kar

– Medem Imchen.

Aor yim shia yimya-yimko aser jato-jara terara balala alitsü, saka olongjibo memelenshir. Ojang shiaji tetezü meteta alitsü akok (Good English ama) saka ojang shiaji metenteper tetezübo balaka adoker.
Ajemaluba tanü-i shi ajak chimar
Tetezü: Nüküptsü chilar ajemajema aliba nisungji auer akümer
Ayim (koya) tzütener ama
Tetezü: Tetsü kati tanur jenti anir benjongdaki aoba
Am tuo lanu ngur sü shisa ama
Tetezü: Aier ka ngur kinüngtsü baladokba
Anatsü nok ama
Tetezü: Telok ana tsüngda nung külena aten, kelena aten
Ali raremra süngo tu azülar
Tetezü: Tsürabur jashidaktsüra chirnur azük-aru masür
An molokpang nung atem ama
Tetezü: Pei aitsü memeteti jembia pei sasa pei o nung aiba
Anüng ozü aputsü arishi
Tetezü: Aika aginü kecha mangu
Alizüng makara tapuso
Tetezü: Nükjitong makai kecha teinyak
Alar chir Shiti rongdong nung amen ama
Tetezü: Asen medemer chir yimla-a maliba temaba mendeni atuba
Entsü nung teret chitet ama
Tetezü: Kanga tepenja nisung
Shiti kolak per agi menempangtet ama
Tetezü: Onük tulu nung aibelenba kipok nung nempanga ayutsü makok
Kor yongrak ama
Tetezü: Temzüng ozüng takang mali
Tar tzüshi khu nung enok ama
Tetezü: Tejep tetsüng mali tessem tesem jembiba
Terongdong nung apungeri angu ama
Tetezü: Aseni yarir nisungi asen ashioktsüba
Kikümdang nung nisung tamajung amen
Tetezü: Lenir tamajung lira telok aser kijai temoatsü sadema mangur
Süngshi tembang
Tetezü: Auer dang mesüra mima tangar oset agir dang ajar.
Tzüdar o Süngbener na ajurutep
Tetezü: Sakuku ana ajurutep
Tenük melen tenük tepo melen tepo
Tetezü: Tatok makai tayang küpzük
Teni langa aküm
Tetezü: Tejak tenteta aküm, tera asüküma aküm
Tsünüi San kep asem ama
Tetezü: Temabo tajung saka shisatsü tekirak atenba
Longdoka akaba long kisürtemi kinük nung tongti azüng
Tetezü: Mezüngmeshiba takümji tanishir aküm
Tsüngküm nung longpen ajemtet
Tetezü: Akidang menaba tai temenen jungkai adok
Tzünglu arudang shi bushi
Tetezü: Jelia renema maka timtem ajurur külenang nüngdak bushitepba
Toktoker chi masüng
Tetezü: Mezüng anguba temoatsü ajak magitet süitema yok, merangdangaka aki amabosa jitonga magiteter.
Tsüshiku nük aten
Tetezü: Tanguba ajak nükshiba nük, tenük jaluba