Ao oshi nung Yisu film ka sayaogo

Dimapur, August 03 (TYO): Inspirational Films.Inc.USA ajanga tangoka yangluba Yisu otsü Ao oshi nung Goodnews Ministries (GM) Dimapur aser Nagaland Evangel Mission & Welfare Association (NEMWA) Chumukedima ajanga Evangelism nung yarisemtsü asoshi Video DVD adoka lir.
Iba film nung Lipok mapang nungi tenzüka Yisu alima nung taküm alidang inyakba mapatem indang otsü aser noksatem lir. Ibai tain aser tanurtem ajak asoshi Tsüngremer taochi mapa angatettsü film tajung ka lir. Ano, talisa Sunday school-i aor tanurtem nem Arogo shia nung Christian Education Department /Ministry ajanga kaka alia agütsü nunga kanga temoatsü asütsü.
Iba Movie DVD jenjang sen Rs.50/- dang lir aser taginertem atema Lulen Jamir, Phone number 9856730622, / 8138078944 aser Rev.Vanpong phone number 7085051197 ajanga angutsü.