Ao oshi ya Chinese oshi meteter kari zülutsü asü na?

~ Imti Jamir Kohima.

Naga kin rongnung mezüngbuba Roman zülu nung zülua amshiba Ao oshi ya E.W. Clark aser tebutsü tenati zülutsüogo. Clark nunger China-i missionary ka ama apuso aser idangji parnoki China oshi angazüker apusuogo ta amanger, kechiyong memetetba lima kati oshi mangazüki aotsüji tasak. Saka asen tsürabur Clark nunger den külemi lisema arurtemi iba indang ashiba mangashi saka yangi tebushidangba (a research) ka yamai agütsür :-
Pinyin:- China oshi dang Mandarin ta ajar aser iba oshi ya par zülujang (script characters) nung zülur. Saka iba zülujang ya tangari züngtettsü makoker, iba jagi Mandarin script Roman zülu nung zülua amshir, anungji Pinyin tetezü Mandarin script Roman alphabet nung zülua amshiba dang ajar. Kodang asenoki Pinyin züngdir vowel e ya ü ola aser i ya e ola adoka azüngtsüla aser ibai asen Ao oshi nunga kasa e-ji ü ama aser i-ji e ama azünger e.g. teti (always), ibai (this), asen (our/ours), aser (and), lisema (living together), tetezü (that means), shishilemba (business) etc. Iba den Pinyin nunga ü zülu aser olasü kasa amshir, aser g ya k ta asen Ao zülu nung ama Pinyin nung a amshir. Au, aseni mamshiba talila kar parnoki Zh mesüra Xi amshir saka ibala kar dak alaka tangar oshi den metemdangra Pinyin aser Ao zülujangji kanga anasatepa lir. Anungji ni imlar, oshi balala jembiba nisung kar jar, pei zülu esap China oshi (Pinyin) züngdaktsüra asen Aori olasüyim tajungba züngtettsü ta amanger.
Alima nung oshi teimtiba jembibaji Mandarin oshi lir = 1,197 million-i jembir. English ya tasembuba (3rd) nungang lir = 335 million-i jembir. China oshi ya par China lima dang masü saka alima kintemi nüngtugu süa jembir aser angazüktsü meranger, ibaji talisa tanü putu alima terenlok aser shishilemba maparen nung opportunity jenti aliba ngua, ano tarutsü putu nung China-i alima nung shilem tulu agitsü (China will play a major role in the world affairs in the future) ta ngua China oshi ya jenti puri angazüktsü merangteper.
O tembang:- Nenokia koma bilemer, kü tebushidangba ka nung Dimapur aser Kohima town nung alir Naga nunger aser tsümar ajak nungi 80-90%-i Ao oshi jembiba ajak/kar angatettsü akoker aser ibaji junga mejembitetaka ojang karbo angazüka/meteta aliba agi lir. Ibai ajanga Naga lima nung Ao oshi-ji koda tongtipang iba noksaji sayur. Temalen shisemba ama E.W. Clark nungertemi kanga dang teimla tulu nung asen oshi zülua toktsüogo asenoki dang tangatetba tajung agi Ao oshi terenlok asoshi inyakra Tsüngremer temoatsü ka asenok den adentsü ta amanger. Anungji asen Ao oshi wazüka aser tajungba kümdaktsütsü asoshi asenok ajak longjemer, tangatetba tajung agi Tsüngrem nungi teimla tulu nung sarasadema inyakdi ta ayongzüker.