Ao Region CAO-i metetdaktsür

Mokokchung, Monupii/May 15, 2019 (TYO): Mokokchung town telongtet nung shishilembartem, tongtipangsa shi lepa ayokertem, seret touzük shitak mamshiba aser wara/tashitak aketba Ak/Nashi item lepa ayokba, item mapa tamajung inyakba putetra temerenshi tulu alitsü aser pa/la permit meshizüka ayutsü, ta jilia metetdaktsür, ta tanü CAO, Ao Region NSCN/GPRN, Bendangyanger Ao-i sangdong ka nung metetdaktsü.
Ano tongtipangsa shiruru tepseta mayokdang, wara/tashitak ali mali reprangtsü government-i veterinary department aser seret touzük shitak reprangtsü department balala yuja lir, anungji nübur ajak ajangzüktsü asoshi pei mapa nung ochishia temulung agüja inyakdaktsüner, ta kasa sangdong nung shia lir.