Ao Senden Federal Council senden jateper

Mokokchung, Rongchii 16 (TYO): Ao Senden mendenti ajanga sangdong ka nung Ao Senden yimkong mungdang April 20, 2018 nung akatsü aliba dak sendakba onük kangasa tongtibang jenti lemteptsütepa jembitsü alinung, Rongchii (April) 19, 2018 anogo nikongdang 12 ako shitak nungi tenzüka Federal Council senden amentsü, ta metetdaktsü.
Ao Senden President Imliyanger Jamir aser General Secretary S Temsu Aier ajanga metetdaktsüba nung Federal Council senden atema osang kaket nung sangdong metetdaktüba dak alaka züngsempur nem tsüngdong osang magütsütsü, anungji Federal Council züngsem ajak iba senden nung medema arua adentsüla, ta metetdaktsü.