Ao Senden-i aitsür

Mokokchung, Aami/June 14 (TYO): June 5-6, 2019 anogotem nung MLA, Sharingain Longkumer aser NDPP Secretary General, Abu Metha na kidang injang khaloktsüba tatalokbaji Ao Senden-i aitsür, ta tanü Ao Senden Tir, Chubawati Longchar aser tezülur, Imtipokyim nati sangdong ka nung metetdaktsü.
“Iba ya tasümait mapa ka lir aser yimjung raksatsütsü atema nisung tamajungertem inyakba lir. Ozü senso tajung ka anema inyakba mapaji Ao Senden-i süoki ia agir aser ozüng amer agency temi tekaraba nung aibelenertem pua temerenshi agütsütsü onoki imlar,” ta kasa sangdong nung shia lir.