Ao Senden-i CM TR Zeliang nem tenüngsang agütsür

Dimapur, April 27 (TYO) : April 23, 2016 nü Bali, Indonesia nung 6 buba Global Leadership Awards 2016 alidang Nagaland Chief Minister TR Zeliang-i ‘Lifetime Achievement in Transformation Award’ anguba atema Ao Senden-i pa nem tenüngsang agütsür ta Tir, Imolemba Jamir aser Tongti Tezülur, S. Panger Ao nati sangdong ka nung metetdaktsü.
Chief Minister TR Zeliang-i lenisüba aser mapa tajung inyakba nung ajemdaker iba sempet nguogo aser iba ajanga Naga nunger ajak nem konang bener arutsüogo. Tarutsü wadang ajak nung takok ngudakjang ta Ao Senden-i moatsür, ta mendenpurtemisa metetdaktsü.