Ao Senden-i election onük nung senden ayonger

Mokokchung, Aenjeti (January) 26 (TYO): Naga yimten tebilemtsü tekaratiba nung latettsü nükjidong nung, tang Nagaland nung ‘Election masü Solution-ang’ bushitsüla ta asüba onük nung ken o lemteptsü asoshi rongdak senden ka Aenjeti (January) 29 (Tentonü) anüngdang 11:00 ako nungi tenzüka Ao Senden office nung jateper, ta Ao Senden sangdong ka ajanga metetdaktsüogo.
Iba senden nung Aor election-i inür candidate ajak den Mokokchung district nung aliba yimtenren party ajak nungi president-tem jaoker, anungji parnok ajak medema arudaktsüner, ta kasa sangdong nungsa metetdaktsü.
Iba senden asoshi osangkaket nung sangdongba dak alaka nija mesüra telok shinga dangia shidi balaka meyoker, ta parnokisa metetdaktsüogo.