Ao Senden-i sangdonger

Naga kin asoshi telemtetba tajung ka agitsü atema küm aika jembia aruba tensa ka nung, tanü koba yimyim “Solution before election” omen nung ajemdaker maparen inyaka tuodak lir, iba dak sentakba nung Nagaland Legislative Assembly züngsem 60 (roker) pronglai Dec. 19, 2017 anogo meyongnem tajung agi. Aji oda, Naga nunger ajaki tekaratiba nung Naga yimden keno tatembang kati arutsü imlaseta alidang, ECI ajanga Nagaland nung state assembly election agitsüang sangdong. Iba ya Naga nunger taginüba masü nungji Naga kin lokti balala (tribal hohos), linük tenzükertem aser political party-tem ajaki election magidang solution tama latettsü asoshi mulunga meyongnem agiogo.
Aji saka, tanü tashi Naga nungeri aginüba ama ECI nungi telangzüba magütsür asünung, tang aruya aliba NLA election magii atatsü CCNTHCO-i lemtetba nungita Feb. 1, 2018 anogo 6:00 AM – 6:00 PM tashi Mokokchung district ajunga mokdang (Total Bandh) akatsü ayonger.
Anungji, iba mokdang takok angutsü asoshi nüburtem ajaki iba telemtetba nung amalitepa yariteptsü sangdonger.

(Wb. Imliyanger Jamir)                                               (Wb. S Temsu Aier)
President                                                                           Gen. Secretary