Ao Senden President dangi request petition (Temepishiba shiti) züluba meyipa akiba (withdrawl) den iba dak sendakba kar jangjashitsüner:

~ P. Wati Jamir, Retd. HM, Tuli.

Ni Ao Senden Office dangi 25.10.2018 aser Tir Yimyim osangkaket 22.11.18 nung adokba ocet dak sentakba nung jangjatepa angatetteptsü asoshi Ao Senden kilemi Dec. 11, 2018 anogo nung ni jaokba shiti angu.
Saka arishi küm aser health aki nenok den tsüngtong arua ajuruteptsü tasak kümogo.
Anungji zülu nung zülutepba dang nungipo ni züluba request petition jiang meyipa akitsü tajungba ta molungteta, ni züluba request petitionji meyipa akir (withdrawal) asür ta jangjashitsür, saka iba yagi ASLB-i adokba calendar asoshibo tensema malia ta shisemer. Ibai yimjak nung sangdonger.
Ni züluba nung request No. 3 nung Textbook Production Branch, Kohima indang olen ka yamai shisema lir “school nung azüngba kakettem adokba asoshi” tenüngbo textbook Production Branch D.E, Kohima, saka mapabo ASLB mesük ta zülusema lir.
Ibaji yamai ratettsüner. Nagaland School-tem ajak nung class 8 tashi School Education Directorate Textbook Branch ajanga pei pei oshi nung kaket adoka azüngtsü aser ibaji angati (free of cost) lema züngdaktsür.
Ni tesayur inyakdangba nisung ka asünung ni kaket ajak ta mesüaka school kar nungi Ao Tazüngtsü kaket class 5-8 tashi Ao tazüngba reprangdang nung yamai angu.
Kaket shia shilem asemsem lemsar shilem shia mark yamai lemsaa lir.
Shilem 1: Otsü olem (50 marks)
Shilem 2: Sangro (20 marks)
Shilem 3: Orrlem aser olem (30 marks)
Teküboklen (Orrlem aser olem: M. L. Wati jamir; iba kaket nungi agiteta azüngtsü) ta shia lir.
Saka kaket nungji shilem 2 lesson dang lir, saka shilem 3 puba lesson mali? (Kaketji mapensa).
Marks 30 asoshi kaket nungji mali saka Mr. M.L. Wati Jamir-i züluba kaket nungi azüngtsü dang shia lir.
Kaket 5-8 tashi Ao tazüngtsü kaket nungji ka nung danga shilem tasempubaji zülua mali saka mark-bo 30 asoshi.
Sürapang ni metetnübaji aser Ao Senden dang mepishibaji-
1. Shilem 3-puba Orrlem aser Olem indang kaketji kaket zülusangdangji school tanuri alia azüngtsü, mesüra Textbook Production Branch jaki alia agütsü?
2. Textbook Production Branch Kohima-ji copy right asü ASLB?
3. Govt. nung Department kar Education aser Medical ama communitized süogo. Ibai ajanga Village Education Committee nungi tenzüka school ajak nung committee (school managing board) lir.
Sürapang kodaser küm ana-asem tashi class 5-8 tashi kanga tongtibang lesson makidaktsüi züba-züba doktsür? Ta kü tangatetba den bensemer.
Shiba dak tai-temeten mebushitepli, saka ibai süoki yia bilem junger ta meratatsü asoshi zülusemer.
Saka ashiba ama ni kichisa züluogo, itemji temipishiba, (request petition) dang ta angateta akitsü asoshi Ao Senden dang nenshia shisemer.