Ao Senden ya shiba ?

-T. Lanu Imchen, East Dimapur.

Ao kin rangben longjemer, Chungliyimti arr Salang nung yimti yimli, tzüzüng ozüng alangtetter Aori amshia aruba sobaliba dak amendaker, Aor Süngpu nungi Puti tashi, Aor lokti tentet ajak madak ibai tematiba tentet asütsü ta yimkong mungdang nung lokti ajaki teka mekanga temzüng agizüka renema yur amshia aruba Ao Senden. Yimtsüng nungi Tzükong tenüng nung teshimtet nübu balala yoker kümtetba Ao senden. Tanü na/nür yimtsüng nungi tongti ketdangsertem rongnung züngsem malitsüa akok, saka tzükong aser unit shia nung na dena lir ta angatettsüla. Na shiba südir süang takar, tulur, tashitemetter aser tangar memenepba nübu ka asütsü akok, ajisüaka ajakji züngsem tajung kaka ta bilemdi. Tensa mapang tajung majung balala aika ajangshia aruogo, ajangshidagi aser ajangshitsü, item mapangtem nung kija, yimtsüng, Tzükong aser unit balala nungi nai lemtetba (Ao Senden) anema aitsütepba, madener ta osang kaket balala nung prokshiba ya nai nüsasa na anema inyaker aser tangar kin dang Aor lemsaa meputep lir ta sayur ta angatetsüla.
Ali jak nung meimchir ya lokti shilu alima otsü nung meimchir tapu tanak temesüng rongnung konganga koyimera kisüng aliba otsü mali, tanü putu nung pei tebilemba ka lokti tebilemba aser telemtetba den meputep dang, ni ozü lokti den malitsü/madentsü ta ola adoktsübaji anempong o, pei chirnur aser semchir nem atakatem jazüka lanu putu nem otsü tamajung renema yutsür ta angateta asen tetsü tebou sobaliba wazüka aser yimten yimli tangatetter ka ama senso shiai alitsü ayongzüker.