Ao Sendeni NSCN-IM nem tenüngsang agütsü

Dimapur, August 25 (TYO) : August 3, 2015 anogo nung India sorkar den Naga yimten latettsü asoshi tangatettep ken o renemba asoshi NSCN-IM lenirtem nem tenüngsang agütsür ta NSCN/GPRN Ato kilonser nem agütsüba shidi ka nung Ao Sendeni metetdaktsüogo.
Kasa shidi nungsa ashiba agi, tetenzük dang nungi Naga yimten ken o latettsü asoshi Ao Sendeni NSCN-IM lenisüba nung yaritepa aruogo, anungji Naga yimten tebilemtsü latetdang Ao kin dak aketba ken o ajak Ao Senden den dang asüngdangtepa inyaktsüla, kechiyong Ao Senden tenüng nung iba ama ken o nung telemtetba agitsü asoshi shinga nema tashi agüja mali ta Ao Sendenisa metetdaktsü.
Ano, Ao Sendenisa NSCN-IM lenirtem dang August 3 nü sign asüba onükji memenuisa nübortem nem metetdaktsütsüla. Iba jagi nübortem mulungjang nung tamajung tebilemba alibatema kokadoktsü, ta metetdaktsü.