Ao Senso Telongjem, Padumpukhuri-i aitsür

Dimapur, January 23 (TYO) January 18, 2016 aonung 7:10 ako meta mejangjatetba nisung pezüi Padumpukhuri nung onoki akhümtsübua aliba züngsem aser senso tajung, Er. Sungti Amer’er ki nungpoka tua tashiyim mapa inyakba kukua aitsür, ta Ao Senso Telongjem, Padumpukhuri-i sangdong ka nung metetdaktsü.
Ozüng alema mapa inyakertemi kinüker merenshi aser parnok tanaben arutsü ta amokmeren. Tsüngremi kanga dang aochia iba mapang ki kibur aser par kibong kidang maliasü. Iba ama tesempatsü mapa ya tangatetba shitak alir senso ajaki aitsütsüla, ta ASTP Tir, A. mayang Imchen aser Tezülur, Sanen Pongen nati sangdong nung shia lir.
Ozüng amertemi tekaratiba nung iba tatalokba bushisüngdangtsü aser aibelenertem pua tapet temerenshi agütsütsü atema ASTP-i takhangba agütsür, ta mendenpurtemisa metetdaktsü.