Ao Temolunglar-i Mokokchung jila yimdong merüktsü

Dimapur, October 7 (TYO) : Mokokchung town kümer küm 125 (QQC) abensaba nüngtem nung Ao Temolunglar Telongjem, Mokokchung Town nung alirtemi October 10, 2015 (Honibar) anepdang 4:00 am nungi tenzüka Mokokchung Municipal Council tawabangba kübok aliba Mokokchung town yimdong merüktsü.
Iba anepdang MMC kübok züngia yimdong aoker ‘sweeper’ tem mapai marui anisüngzüka atatsü.
Iba anogo nung Ao Temolunglar küm 18 sür tema ajak mapang shitak nung Police Point tonga arutsü metetdaktsür. Shiba marulir teloki renemba ama takang alitsü ta ATT President Wt. Bendangsangla aser general secretary Wt. Asangla Aier nati sangdong ka nung metetdaktsü.