
Dimapur, October 28 (TYO) : October 25, 2015 anogo Mokokchung Town Baptist Arogo nung Wt. Talijungla, ATA Director shimba sentong agiogo.
Iba sentong nung Rev. I. Meren Pongener, Impur ajanga mapa nungloktsüba sentong agi aser Rev. M. Asangba Kohima ajanga Tsüngrem O jembi.
Wt. Talijungla ya Kinungertsür, Dr. L. Imsütoshi Ungma (CTC) kinungtsü lir. La Kohima Ao Baptist Arogo nung Associate Pastor (Christian Education), World Council of Churches (WCC) ETC Jorhat Base Local Secretary aser Jorhat Ao Baptist Arogo nung Pastor tenzüka aruba nübu tajung ka asen Aor nem moatsüogo ta iba osang ajanga sangdonger, ta ATA President, Wt. Narola Walling-i sangdong ka nung metetdaktsü.
“MTBA, KABA aser shirnokisa ATA yaria arudagi nenok ajak dang ATA Office ajanga pelaba metetdaktsür,” ta laisa shisem.
You must be logged in to post a comment Login