Aoerji Tajung Lir?

~ S. Nuken Longkumer.

Aoer otzü reprangang, liner aser tanishir liasü! Ano linersa asütsü, tampu sür Naga kin anir aru, Aoerji Aoer? Germany nunger, Assamess nunger, Punjap nunger, France nunger masü, Aoer? Tsüngrem yimli mezüng agizüker, P:a taochi kübok Wapong P. Shilu Ao, mezüng Chief Minister aküm! Aoer liner Wapong tajung ajak süitemogo, saka sungjang ali nung rema lir, tanaben meitsü liner Aoer liasü, tanishir Aoer liasü! Tanü alima ajak nung tzüim atena oa alirtemji Aor süngjang tajung chirtemsa lir? Tasü itang Aoer majung mali, tenüngsang agütsütepang, Aoerji tajung, iba yongji-ang Tsüngremi asen Aoer den jembi aser liner südaktsü. Kechi mapa südir süaka Aoer tampu! Tsüngrem dang kukua mepiang süngjang tajung adoktsü, tesüpur makümtsü sarasademang tzüim aser ali tekong yangluba kibubai langzütsü! Yona danga langzü? Küm süitema aodang asen liner wapong tajungtem bilemteter, wapong aika rong nungi parnok ishika taküm yagi lesson ka ama agidi. Wapong, Dr. S.C. Jamir ama, wapong Imkongmeren ama, wapong Sashimeren ama Rev. L. Kijung ama, Rev. Longri ama, Rev. Rikum ama, Rev. Arba ama, Rev. Temjen ama, Rev. Alem ama, yamaji tanishirtem zunger mezüngma Tsüngremi züindaktsüogo, amanger ano moatsütsü, anungji asen Aoertem temeimji tepang agi masü mapa agi sayutsü merangang.