Aoküm nung Digital Financial Literacy Awareness Programme ( dFLAP ) agi

Dimapur, February 23 (TYO) : Aokum yimtak rongsenkettsüng tsütsü meteta aliyim atema Digital Financial Literacy Awareness Program (dFLAP) sentong NABARD-i nungita February 22, 2017 nü Care & Support Society, Mokokchung aser State Bank of India, Tzurangkong Branch, Mokokchung na lokteper ayonga mungogo.
Iba sentong nung Care & Support Society, Managing Director, Wb. Imchawati Kichu meden asü aser Aokum Baptist Church nung sannükeri sentong tenzüka sarasadem. Sentong nung Aokum Village Council Chariman Wb. Naromongba-i tarurtem pela agizük aser NABARD nung DDM, Wb. S. Amarjit Mangang-i yimtaklirtem dang digital transaction aser teka nung sen mayuba tajangzüktem indang lemsatep.
Pai yimtaklirtem dang bank account lapoker bank nungi Rupay cards agitsü ajungshi.
State Bank of India, Tzurangkong Branch, Mokokchung, Branch Manager Wb. Moasunup Imchen-i banking, savings aser rongsen kümzüka ayutsü nüngdakba lemsatep.
Pai bank temi nüburtem nem PMJDY, PMSBY, PMJJBY aser APY inyakyim tem ajanga teyari balala agütsüba rasaa ashi.
Tangari tax magütsünüdang nü indang account nung mesüzüka sen inoka ayutsü asüngdangba nungi na jenbua alitsüla, kechiba süra ibaji ozüng anema lir, ta pai nüburtem den temetettsü lemsatep.