Aoleang Monyu nung Guinness World Record ka yanglutsü

Dimapur, April 1 (TYO): Aoleang Monyu celebration cum Mini-Horbill Festival nung shilem ka ama Konyak nungertemi Guinness World Records tasen ka yanglutsü renema lir.
April 5, 2019 nü Local Ground, Mon Town nung anepdang 11:00 ako “Largest Traditional Konyak Dance” otsü yanglutsü atema tsüngsangtsü, ta Konyak Union President, Manlip Konyak-i ashi.
“Empowering omen for Cultural Heritage” omen nung ajemdaker Konyak tsür 5000 shi kati tsüngsangtsü. Iba benjung ya Konyak Union (KU) Konyak Nyupuh Sheko Khong (KNSK) aser Konyak Students Union (KSU) den yaritepa ayongzüker.