Aoli Pongen Mungdang Academic Excellence Award agütsü

Aoli Pongen Mungdang ketdangpurtem den Academic Excellence Award angurtem.

Dimapur, November 14 (TYO) : November 14, 2016 nü Aoli Pongen Mungdang-i mezüngbuba Academic Excellence Award agütsüba sentong ayongzüka agi.
Iba sentong ya Molu Ki, Kohima nung agi aser HSLC 2016 nung Pongen kidong nungi takok tajung angurtem tushi.
Sentong nung O jembirtsü atema Agri. Production Commissioner & Commissioner Secretary (Agriculture) T. Imkonglemba Ao, IAS, jaok aser pai kaketshirtem dang Tsüngremi moatsüba sempet metettsü aser alizüng atongtsü atema merangtsü ayongzük.
Kaketshirtemi pei azüngba rejutem nung meranga angazükba aser arangshiba ajanga tajungtiba akümtsü, ta paisa ashi.
Paisa, kaketshirtem dang Tsüngrem bushitsü aser inyaksangshi ajak nung ajemalutsü ayongzük.
Mezüngbuba Aoli Pongen Mungdang Academic Excellence Award angurtemji, Subolemla Pongener (Aliba) rank 14 buba aser Arenjungla Pongen (Chuchuyimlang) rank 16 buba na lir. Tenaprong nem sen 10,000 aser kulikakettem agütsü.
Sentong nung mendenji Er. T. Yanger Ao liasü, Rongsenwati-i tayongzukba O jembi, Dr. Sashi Aier-i tajungshi O jembi aser Talilemzung Pongen-i takoker den tepela o jembi aser Imonenba Pongener-i melepzung O jembi.